YESSENOV LAUNCH PAD: БІЛІМ ЖАЛҒАСУДА

15 сәуірде Shakhmardan Yessenov Foundation қоры Yessenov Launch Pad бағдарламасына («бастапқы алаң») өтінімдер қабылдауын бастайды. Байқаудың 10 жеңімпазы икемді, жоғары кәсіби (soft skills), сондай-ақ кәсіби (hard skills) дағдылар бойынша қосымша оқуға грант алады. Кім өтінім бере алады, мұны қалай жасауға болады, байқау қалай өтеді және осы байқауда жеңіске жетуде қандай артықшылықтар береді? Бұл туралы бағдарлама үйлестірушісі Айгерім Султан баяндап береді.

Айгерім, бұл байқауға кім қатыса алады және өтінімдерді қабылдау мерзімі қандай?
Өтінімдерді бір ай бойы – 15 сәуірден бастап 16 мамырға дейін қабылдаймыз. Өтінімдер әдеттегідей веб-сайтымызда онлайн режимінде қабылданады. Байқауға 18 жастан асқан Қазақстан азаматтары қатыса алады. Олар бакалавриат студенттері (тек соңғы және соңғыдан алдындағы курс), магистранттар мен докторанттар және жұмыс істейтін мамандар болуы мүмкін.

Қандай мамандықтар жайлы айтып отырмыз?
Yessenov Launch Pad бағдарламасына жаратылыстану ғылымдары, математика, статистика, ақпараттық-коммуникациялық технологиялар, инженерлік, өңдеу және құрылыс сияқты салаларда оқитын және жұмыс істейтін адамдар өтінім бере алады. Толық тізімді, өтінім беру ережелерін және байқаудың қалай өтетіні туралы ақпаратты yessenovfoundation.org сайтындағы Бағдарлама ережесі ішінен табуға болады.

Қордың қосымша оқу грантын ұтып алу мүмкіндігі кімде жоғарырақ?
Зияткерлік әлеуетін, өзін-өзі дамытуға ұмтылысын, өз мансабы үшін сұранысқа ие қосымша білім алудың өзектілігін, жауапкершілігі мен нәтижеге бағдарлануын дәлелдеп көрсеткен үміткерлер.

Көпшілігі бүгіннің өзінде soft skills-ті hard skills-тен нақты ажыратпайды, Yessenov Launch Pad бағдарламасы дәл осы дағдыларды дамытуға бағытталған…
Дұрыс айтасыз, тағы бір рет еске салу артық болмайды. Hard skills-ке кәсіпке, мамандыққа тікелей байланысты дағдылар, ал soft skills-ке кәсіби жоғары дағдылар жатады. Мысалдар. Ең алдымен, бұл мамандыққа байланысты, бірақ келесілерді атай аламын. Шет тілдерін, компьютерлік бағдарламаларды, жазба сөзді және мәтіндер редакциялауын меңгеру, маркетинг негіздерін білу, жалпы сауаттылық, автокөлік жүргізуін білу – мұның барлығы hard skills; уақытқа ұқыптылық, тайм-менеджмент, сыни ойлау, стресске төзімділік, өзін-өзі тәрбиелеу, шығармашылық, икемділік – бұл soft skills, жұмысыңызды жақсырақ, сапалырақ әрі жылдамырақ орындауға көмектесетін дағдылар.

Байқау қалай өтеді?
Дәстүрлі түрде бірнеше кезеңде өтеді. Олардың мазмұны мен мерзімі толығырақ Бағдарлама ережелерінде сипатталған. 28 мамырға дейін біз бірінші кезеңді, яғни өтінімдер бағалауын аяқтаймыз, шамамен 20 іріктелген финалистті сұхбатқа шақырамыз. Оны қордың Сараптамалық кеңесінің мүшелері жүргізеді. 7 маусымға дейін шешім қабылдап, 10 жеңімпаз жариялауын жоспарлап отырмыз. Олардың тізімін әдеттегідей сайтта және әлеуметтік желілерде жариялаймыз.

Сараптамалық кеңес мүшелері жеңімпазды таңдаған кезде не ескеріледі, Әйгерім?
Ең әуелі, кәсіби дағдылар. Содан кейін – оқу қабілеті және жаңа ақпаратты тез әрі сапалы игеру және талдау білігі, мақсатқа бағытталушылық, бейімделу қабілеті, коммуникативтілік және түрлі жағдайларда стандартты емес шешімдерді табу қабілеті, позиция айғақтылығы, эмоционалды зият және т.б.

Әрі қарай 10 жеңімпаздың тағдыры не болмақ?
Олармен келісімшарт жасасамыз, сонда олар курс табуға (әрине, біздің консультациялық көмегімізбен) және бізбен келісуге міндетті болады. Сарапшыларымыз таңдалған курстардың деңгейін бағалайды және тарапымыздан оң шешім қабылданған жағдайда қатысушыға қаражат аударылады және Келісімшартта көрсетілген күндерде Yessenov Launch Pad жеңімпазы сұралған қосымша білім алу арқылы оқудан өтуі керек. Келісу жеңімпаздарымыздың алаяқтық, тиімсіз немесе оқыту деңгейі төмен курстарға, нақты оқыту бағдарламасының жоқтығына және т.б. тап болмауы үшін қажет.

Бағдарлама жеңімпаздарының курстан өтуі болашақ мамандығына көмектескен кездегі сәтті оқиғаларына 2-3 мысал келтіріңіз.
Бағдарлама 2022 жылы басталды, бізде тек 2 байқау өтті. Алғашқы жылдары 10 грант бөлетінбіз, бірақ бағдарлама және әкелетін пайдасы туралы хабардың аз болуына байланысты сәйкесінше 5 және 9 жеңімпазды таңдадық. Нәтижесінде екі жыл ішінде бізде 14 жеңімпаз болды. Бірінші жылдың жеңімпазы Қуат Мәдениет «Яндекс Практикум» ұсынған «Деректер инженері» курсынан өтті: және оқу басталғаннан бастап 2 ай өткен соң Қазақстанның екі жетекші банкінен бірден жұмыс ұсынысын алып, олардың біреуін қабылдады. Аида Сағандықова «Okdara.School» ұсынған Алгоритмдер мен деректер құрылымы, Docker контейнерлеуі, сондай-ақ «ItProger» мектебінің NodeJS әзірлеушісі мамандығы бойынша курстан өтті. Соңғы курстан өткеннен кейін Аида өзі үшін қызықты жұмыс тапты. Ержан Өмірзақов Karpov Courses ML start курсын тәмамдады, сонымен бірге Бостон университетінде оқуға грантты және статистика бойынша докторлық бағдарламасын өтуге стипендия алды. Бағдарламаның екінші жылының жеңімпаздары таңдаған курстары бойынша оқуларын жалғастырып жатыр.

Yessenov Launch Pad үшінші байқауын өткізуде сәттілік тілейміз!

9.04.24, Жаңалықтар

Көру саны: 185

Другие новости