Дінмухамед Шахман

Мамандығы: химия. Есенов шәкіртақысының иегері.

Бұл материалдың кейіпкері 21 жаста, өзі Алматыдан. Ол үстел теннисін ойнайды, жүгірумен және фитнеспен айналысады, анимеге қызығушылық танытады. Бұл оған химияны зерттеу мен зертханадағы жұмыс арасындағы үзілістерде демалуға септігін тигізеді. 2018 жылы Дінмұхамед Ш. Есенов атындағы қордың шәкіртақы байқауын жеңіп алды, ал 2019 жылдың басында қордың ғылыми тағылымдамалар бағдарламасының жеңімпаздарының қатарынан табылды. Осы жазда оны Канада мен Францияда өтетін, бірден екі қызықты тәжірибе күтуде.

Неліктен химия Сізді қатты қызықтырады?
Бізді қоршаған және өмір сүру сапасын айтарлықтай жақсартатын барлық заттар (медицина, тамақ өнеркәсібі, парфюмерия, косметика және т.б.), химияның арқасында дамыды. Ерте жастан бастап маған түрлі заттардың: дәрі-дәрмектер, тәттілер, косметикалық өнімдер қалай синтезделетіні қызық болды. Осы себепті мен химиямен айналыса бастадым және 12 жастан бастап түрлі олимпиадаларға қатыса бастадым. Жылдар бойы бұл ғылым түрі мен үшін қызықты болып келеді, қазір мен органикалық химияға көңіл бөлудемін.

Қор конкурстарына қатысқысы келетін адамдарға қандай кеңес бере аласыз?
Университетке түсіп, мен өзіме мынандай сұрақ қойдым: “Жақсы GPA-дан басқа, алдағы мансабыңда артықшылық болу үшін, университеттен не алу керек?”. Мен табысты жұмысқа орналасу үшін, магистратура мен докторантураға түсу үшін, ғылыми тағылымдамалардың болуы маңызды рөл атқаратынын түсіндім. Мен Ш. Есенов  атындағы қордың жазғы тағылымдамалар бағдарламасына тапсырыс беріп, грантты жеңіп алдым. Болашақ қатысушыларға мақсаттарын анық жоспарлауға кеңес бергім келеді. Мысалы, егер қандай да бір байқауда жеңіске жетуді мақсат қылсаңыз, түйіндемені алдын ала дайындауды бастаңыз (белсенді түрде академиялық және волонтерлік белсенділіктерге қатысыңыз), өзіңіздің GPA-ды көтеріңіз, тәжірибелі әріптестеріңізбен кеңесіңіз.

Қор шәкіртақысы сізге көмегін қалай тигізді?
Ол маған оқуға және ғылыми қызметке көп уақыт жұмсауға мүмкіндік берді, себебі ақша табу үшін жұмыс іздеудің қажеті болған жоқ  және 2018 жылы Оңтүстік Кореядағы жазғы тағылымдама кезіндегі шығындарды төлеуді жеңілдетті.

Тағылымдамадан не күтесіз? Сіз неге осы тақырыппен айналысатынызды айтып берсеңіз?
Мен Канадада Назарбаев Университетінің зертханасында бірнеше ай бойы атқарып жатқан жобамды жалғастырамын. Осы тақырып (жаңа катализаторды қолдану үшін шарттарды оңтайландыру) маған өте қызықты және сол себепті мен осы саладағы әлемдегі ең мықты профессорлардың бірі Георгий Никоновтың басшылығымен ғылыми жұмысты жалғастыруды шештім. Химия институтының Ниццадағы тағылымдамасына келетін болсақ, бұл менің балалық арманым. Мен хош иістендіргіштер химиясына қызығатынмын, яғни жаңа парфюмдер, косметика және тағы бақа синтездер туралы. Сондай-ақ, әр түрлі адамдар мен жануарлар иісті әртүрлі «қабылдайтындарын» білу де қызық. Бұл жағдайды да химия түсіндіреді.

12.04.19, Жетістік тарихы

Көру саны: 860