YESSENOV DATA LAB 5-ші МЕКТЕБІ АЯҚТАЛДЫ
Алматыда Yessenov Data Lab (YDL) деректер талдаушыларына арналған бесінші жазғы мектеп аяқталды. Оның 18 қатысушысы оқу бағдарламасын сәтті өтіп, сертификаттар алды. Биылғы жылы пандемия жарияланғаннан кейін алғаш рет мектеп жартылай оффлайнға оралды – соңғы аптасы осы форматта өтті. YDL мақсаттары мен қорытындылары туралы сұрақтармен біз Yessenov Foundation атқарушы директоры Айғаным Малишеваға және осы бағдарламаның менеджері Григорий Лиге жүгіндік.
– Біздің мектепте деректер талдаушылары бойынша жүзге жуық жас қазақстандықтар білім алды. Бұл біздің YDL-Қазақстанның инновациялық дамуына және Шахмардан Есенов ісін жалғастыруға қосқан үлесіміз. Академик өз дәуірінде геологиялық барлау саласындағы деректерді өңдеуде компьютерлерді қолданудың қолдаушысы болды. Сол кісінің әрекетінің арқасында Қазақстанда осындай жұмыстарды жүргізу үшін алғашқы компьютерлік орталық ашылды. Одан бөлек ол өз уақытында қазіргі Satbayev University кафедрасына компьютерлер әкелді. Айта кетейін, 5 тамызда Қазақстан осы көрнекті қазақ ғалымының туғанына 97 жыл толғанын атап өтетін болады, – деді Айғаным Малишева.
Григорий Ли YDL 2024 қорытындылары туралы айтып кетті:
Биылғы Yessenov Data Lab өзінің атағын Қазақстанның және тіпті өңірдің ең үздік алаңдарының бірі ретінде растады, ол жерде қысқа уақыт ішінде Data Science саласында өте сапалы білім береді. Айта кететіні бұл менің пікірім ғана емес, біздің түлектер де осылай ойлайды. Мектептің оқытушылары мықты мамандар. YDL-де оқытушылардың көмекшілерді де жұмыс істеді және олар мәліметтерді түсінбегендерге түсінуге көмектесті. 2018 жылдан бастап біз 550 өтінім алдық, олардың саны жыл сайын тұрақты түрде жоғары. Өткен 5 жылда мектепте 96 жас қазақстандық білім алды, оның ішінде 46 қыз. Мысалы, биыл YDL 18 оқушысы арасында 11 қыз бар. Байқау жеңімпаздары бізге Қазақстанның түрлі аймақтарынан оқуға келеді.
YDL бесінші мектебінің бағдарламасы қандай болды, Григорий?
Тимур Бакибаев, информатика бойынша доктор, AlmaU профессоры, Python бағдарламалау тілінің негіздерін оқытты – бағдарлама деректерді талдау үшін белсенді қолданылады. Әрі қарай YDL қатысушыларына есептеу техникасы бойынша Кирилл Якунин, Metaculus компаниясындағы ML инженері, доктор сабақ берді. Ол біздің жастарға статистикалық талдау теориясы мен дағдыларын және болжамды регрессия модельдерін құруды үйретті. Әрі қарай – Қуаныш Абешев математика бойынша доктор, AlmaU «Цифрлық технологиялар мектебінің» деканы. Ол балаларға деректерді жіктеудің болжамды модельдерін құруды үйретті. Ал мектепті Владислав Ющенко, информатика магистрі, Cope Analytic-те машиналық оқытудың аға әзірлеушісі аяқтады. Оның тақырыбы – терең оқыту әдістері және нейрондық желілер. Сонымен қатар, мектеп бағдарламасында апта сайынғы ынталандырушы кездесулер болды. Өткен жылдардағы қор бағдарламалардың жеңімпаздары, ал бүгінде бұрыннан және тиімді жұмыс істеп келе жатқан сарапшылар сөз сөйледі, – инженер-бағдарламашы Айгүл Имадилдаева, Lucid Motors компаниясының менеджері, АҚШ докторанты Азат Сүлейменов, Микробиология және биоинформатика саласындағы докторанттар Асқарбек Орақов пен Назгүл Сәкенова. YDL соңғы аптасында Jusan Mart инновациялар және даму департаментінің директоры Бейбарыс Өмірбаев бізге қосылды. Жалпы, бұл толыққанды және қызықты болды.
Неліктен мектеп биыл жартылай офлайн форматқа оралды?
Онлайн режимде мектеп сапалы білім береді, бірақ YDL бағдарламасының жеңімпаздары бірнеше рет көзбе-көз байланыс, нетворкинг жетіспейтінін атап өткен болатын. Олар бір-бірімен және оқытушылармен жеке танысып, тығыз қарым-қатынас жасағысы келеді. Сондықтан биылғы жылы пандемиядан кейін бірінші рет біз бір аптаны офлайн режимде өткізуді шештік. Неге тек біреуі ғана? Себебі бұл бағдарламаның құнын барлық қатысушылар мен оқытушылардың тұру, тамақтану, жол жүру шығындары есебінен едәуір арттырар еді, дегенмен оның тиімділігі форматқа қарамастан жоғары. Оның үстіне барлық қатысушылар туған қалаларын, жұмыс орындарын және оқу орындарын бір айға қалдыра алмайды.
2025 жылға арналған жоспарларық қандай?
Әзірге жоспарлар төмендегідей: мектепті гибридті нұсқада өткізу, бірақ офлайн режимге 2 апта бөлеміз.
Мектеп мұғалімдері осы бағдарлама туралы не айтады.
Қуаныш Абешев:
– Yessenob Data Lab құндылығы және басқа курстардан айырмашылығы – тәлімгермен тікелей байланыс, практикалық кейстер мен нетворкинг. Университеттің (ALMA) және мектептің (YDL) ынтымақтастығы тәжірибелі оқытушылар академиялық және практикалық салада тәжірибе көрсеткен кезде жақсы нәтиже болады және осы балаларды оқытады.
Кирилл Якунин:
– Мектепте сабақ беруден үлкен рахат алдым. YDL 2024-те жиналған студенттер керемет болды. Олар өте ынталы балалар.
Тимур Бакибаев:
– Студенттердің 100% -ы түсінді, үлгерді және бұл, әрине, нағыз оқытушылық ләззат. Machine Learning-тің «капотының астында» не болып жатқанын енді олар жақсы түсінеді.
Владислав Ющенко:
– Біз барлық мақсаттарға қол жеткіздік және алған білімімізді практикалық жобамен бекіте алдық. Балалар үшін де, оқытушылар үшін де жақсы жағдайлар жасалды. Рахмет.
YDL бойынша өз қорытындысымен Академик Шахмардан Есенов атындағы ғылыми білім беру қорының жазғы мектебінің оқушыларыда бөлісе кетті.
Ақбота Аман:
– Yessenov Data Lab –бағдарламалау дағдыларын жетілдірудің тамаша мүмкіндігі, оны әрі қарай өзімнің ғылыми қызметімде қолданып, докторантураға түсуді қалаймын және осы дағдыларды қоғамдық денсаулық сақтауда да, медициналық зерттеулерде де, әртүрлі жобаларда қолданғым келеді.
Олжас Ескен:
– Мектепте бәрінен бұрын заманауи технологиялар және оларды озық қолдану туралы ақпарат берілгені ұнады.
Данель Еркулиева:
– Көбірек нетворкинг, көбірек байланыс және біз достарымыздан ұялуды азайтамыз.
Елдос Сейтқожанов:
– Мектепті өте жақсы ұйымдастырған. «А»-дан «Я»-ға дейін бәрі өте жоғары деңгейде болды. Көп нәрсені білмейтін едім, маған жол көрсету керек еді және ол көрсетілді.
Эльдар Отыншиев:
– YDL бізге көп мүмкіндіктер берді, соның ішінде, пікірлес адамдармен достасу және гибридті жүйе қатты ұнады: онлайн + офлайн. Офлайн басталған кезде біз бір-бірімізбен әлдеқашан танысып қойған едік.
Естеріңізге сала кетейік, Академик Шахмардан Есенов атындағы ғылыми білім беру қоры алғаш рет 2018 жылдың жазында Yessenov Data Lab мектебін ұйымдастырды. Жақында ғана өткен бесінші мектепті ескере отырып, 96 қазақстандық студенттер мен жас мамандар деректерді талдау дағдыларын игеріп, сәтті аяқтады.
26.07.24, Жаңалықтар, Жаңалықтар
Көру саны: 86