Ағылшын бағдарламасының жаңа жылы Kozybayev University-де басталды

– Байқауға 206 өтінім келіп түсті, өткен жылы біз 338 өтінім алған болатынбыз. Менің ойымша, бұл бағдарламаға бірінші жылы осы ЖОО-ның барлық дерлік студенттері қатысып, тілді меңгеру деңгейін арттыруға үлкен қызығушылық танытқанына байланысты. Бұл ретте биыл қатысу өзекті болған адамдарға, яғни бұл университет оқытушыларына және қызметкерлеріне, сонымен қатар биотехнология, IT және медицина сияқты салалардағы студенттерге қатысты. Айта кететін жайт, Kozybayev University мекемесінде екінші жыл Аризона университетінің бірлесуімен қос дипломдық білім беру бағдарламасы жүзеге асып келеді және осыған байланысты оқытушылар мен студенттер үшін ағылшын тілін меңгеру басымдыққа ие болды – деді бағдарлама үйлестірушісі Айгерім Султан.

Тестілеуге барлық 206 өтінім беруші жіберілді. Олардың көпшілігін 123 оқытушы құрады, аз өтінім 83 студенттен келіп түсті. Оқытушылар қатарына Солтүстік Қазақстан университетінің магистранттары мен докторанттары қосылды.

– Bonas McFarlane платформасы арқылы ағылшын тілінің грамматикасына қатысты өткізілген онлайн тестілеудің нәтижелері бойынша тілді меңгерудің белгілі бір деңгейіне сәйкес бағдарлама аясында оқуға кіріскен 182 адамды таңдап алдық. Біз университетке қағаз нұсқасындағы оқу құралдарын жібердік, бағдарлама қатысушылары әзірше олардың электронды нұсқасын пайдаланып оқып жатыр, – деп қосты Айгерім.

Yessenov Foundation хабарлауынша, бағдарлама қатысушыларының ең көп саны Elementary (A1) және Pre-Intermediate (A2) деңгейлеріне тиесілі, ал оқытушылар арасында Intermediate (B1) деңгейіндегі адамдардың айтарлықтай саны кездеседі. Қордың бастапқыда оқу ағыны 160 адамнан тұрады деп жоспарлағанын айтып кеткен жөн. Бірақ қазақстандық қайырымдылық ұйымы тағы 22 қатысушыға рұқсат ету туралы шешім қабылдады, өйткені курстың алғашқы екі айында түрлі себептерге байланысты оқушылардың әдеттегі кетуі орын алады. Олардың ішінде курстарды жұмыспен немесе оқумен қатар алып жүре алмауы, тіл иесімен білім алу үшін ағылшын тілін жеткілікті дәрежеде білмеуі және т.б.

Бакалаврларға сабақты Нэйтан Махер (Nathan Maher) өткізеді, ал оқытушылармен Энтони Грэхэм Дюррант (Antony Graham Durrant) жұмыс істейді. Кесте бойынша Zoom платформасында аптасына 90 минуттан тұратын екі сабақ бар. Бүкіл бағдарлама сияқты оқу да 2024 жылдың мамыр айында аяқталады.

Естеріңізге сала кетейік, ағылшын тілі бағдарламасы әрбір аймақтық жеңімпаз ЖОО-да екі жыл бойы жүзеге асырылады. Жеңімпаз атанған оқу орнының студенттері мен оқытушыларына тіл иелері сабақ береді. Yessenov Foundation бағдарламасы 2013 жылдан бастап Bonas McFarlane Education Kazakhstan көмегімен жүзеге асырылып келеді. Жылдың үздік студенттері қор есебінен IELTS емтиханын тапсыру құқығына ие болады. Өткен жылдары Yessenov University (Ақтау), Korkyt Ata University (Қызылорда), Karaganda Medical University (Қарағанды) өз студенттері мен оқытушылары үшін бағдарламаны өткізу құқығына ие болды. Жалпы алғанда, аталған жоғары оқу орындарының 832 студенті мен оқытушысы ағылшын тілін меңгеру деңгейін жоғарылатты. Осыған қоса, Kozybayev университетінің 150-ден астам студенті мен оқытушысы бағдарламаның бірінші жылының арқасында ағылшын тілін жақсартты.

Yessenov Foundation алдағы екі оқу жылында ағылшын тілі бағдарламасы іске асырылатын Қазақстанның келесі аймақтық университетін таңдау бойынша жақын арадағы байқауды 2024 жылдың бірінші жартыжылдығында өткізеді.